An Trua Is Mó

N'fheadar cén trua is mó, a stór,
Is muid ag dul ár mbealaí éagsúla,

An tuiscint go mbeidh mé brónach
I do dhiaidh fad is atáimid scartha

Nó an tost pianmhar seo, aineolas,
An cosc atá orm a choimeádann dúnta

Mo bhéal is nach ligeann dom
Mo scéal a insint duit i gceart,

An mearbhall searbhmhilis, masc sonais
Fad is a bhreathnaíonn tú orm

Agus súile chuig na flaithis nuair
A shiúlaim uait sa dorchadas.

Comments

Popular posts from this blog

Ór