Ag Staidéir San Oigheann

Cúis ioróine is ea é domsa,
Fear gan creideamh is mé
Anseo trí lá i ndiaidh
Domhnach Cásca,
Go mothaim go bhfuilim faoi ghlas
In Ifreann éigin ar domhan
Sa leabharlann seo gan tost,

Na diabhail go léir im thimpeall
Ag spalpadh bladhmanna cainte
Is ag ligint pléascanna uathu
Gach aon uair a bhogtar leathannach
Is pé ama a osclaítear mála,
Is gan aon aingeal coimhdeachta
Chun suaimhneas a chothú.

Comments

Post a Comment

Popular posts from this blog

Poem #1: "The Goalkeeper"

Hunter-Gatherer