Thursday, June 7, 2012

Athbheochan

D’fhéachas amach tríd an bhfuinneog inniu
is do chonac draíocht an earraigh
mar dhea is gur phléasc na crainn thar oíche
mar fhéileacán ag éalú ó chrysalis.

Déantar dearmad ar a bhfoirmeacha loma creatlacha,
bindealán bog mín glas ar gach cnámh anois,
agus titeann an chéad chith Aibreáin
ag múchadh thart na páirceanna théis coicís geal te.

No comments:

Post a Comment